O Castro de Atalaia, unha mostra excepcional do TRATO Ó noso patrimonio.

 O Museo Provincial de Lugo ven de presentar unha exposición que, baixo o título O Castro de Atalaia, unha mostra excepcional do noso patrimonio, pretende dar a coñecer  a realidade dun valor patrimonial maltratado pola administración e ignorado polos medios de comunicación de masas. Con tal, dende o LAUV vos animamos a pasar un día pola cidade das murallas e, entre terraza e terraza, visitar a mostra que nós coidamos en tildar con sorna O Castro de Atalaia, unha mostra excepcional do TRATO Ó noso patrimonio.

 

PRÓXIMA EXPOSICIÓN: O castro da Atalaia, unha mostra excepcional do noso patrimonio

O luns, 7 de xuño, ás 20:00 horas, inauguración da mostra "O castro da Atalaia, unha mostra excepcional do noso patrimonio", organizada pola asociación cultural MariñaPatrimonio e que vai permanecer aberta ao público no refectorio do MPL ata o 20 de xuño.

Do 7 ao 20 de xuño de 2010.
Colaboran:LugoPatrimonio e ADEGA
Patrocina: Área de Cultura e Deporte da Deputación de Lugo.
 
Entrada gratuíta.


__________Horario
Luns a venres: 10:30 a 14 e de 16:30 a 20:30 h.
Sábados: 10:30 a 14 e de 16:30 a 20 h.
Domingos e festivos: 11 a 14 h.
Entrada gratuíta

Museo Provincial de Lugo
Praza da Soidade s/n
27001 Lugo
Tfno.: 982 242112
info@museolugo.org

Nova publicación: Estrategias de asentamiento como indicadores de cronología relativa para la Edad del Hierro del Noroeste Ibérico.

  Na web oficial do LAUV, no apartado de publicacións, xa podedes descargar un novo artigo promovido polo grupo. Un traballo adscrito á labor de constatación sobre a paisaxe do Ferro en diferentes marcos espaciais da serranía interior galega.

 

    Vázquez Mato, M.X. (2010): “Estrategias de asentamiento como indicadores de cronología relativa para la Edad del Hierro del Noroeste Ibérico”, en Herakleion 3, ISSN 1988-9100, Madrid pp. 67-103.

Céramopôle, un programa de investigación transversal.

  Dende Aix-en-Provence (Francia) chegan novas dos membros do LAUV espallados polo mundo. CÉRAMOPÔLE, un progama de investigación ceramolóxica transversal entre varias universidades galas e o CNRS. Unha ligazón interesente para ollar e reflexionar sobre o programa de traballo noutros países europeos. Botádelle un ollo... se cadra co EEES algún día importemos o modelo.

...+ INFO: http://ceramopole.mmsh.univ-aix.fr/Pages/Presentation.aspx

CURSO PRÁCTICO DE METODOLOXÍA ARQUEOLÓXICA: REXISTRO E ANÁLISE DE XACEMENTOS E MATERIAIS

  Énchenos de ledicia difundir o tríptico do curso onde tendes tódala información necesaria que sintetizamos a continuación:

• Prazo de inscrición: Ata o día 14 de Xuño.
• Número de horas: 32
• Validación: 2 Créditos de libre elección / 1 ECTS
• Número de prazas: 40
• Lugar: Edif. de Facultades:  Sala Muliusos e Aula informática do soto; Aula 3.4 do 3º  andar.
• Taxas: 20 Eur. (bolseiros); 30 Eur. (alumnos, PDI, PAS, membros de ALEHOU); 40 Eur. (público en xeral)
• Relatores convidados: 
  Jesús Bermejo Tirado, G.I. Mosaicos hispano-romanos (Consejo Superior de Investigaciones Científicas)
  César Parcero Oubiña & Pastor Fábrega Álvarez, Laboratorio de Patrimonio  do CSIC (Instituto Padre Sarmiento)
  Rui Morais, profesor de Arqueoloxía da Universidade do Minho, Braga (Portugal)
  Fernando Carrera Ramírez, Escola Superior de Conservación e Restauración de Bens Culturais de Galicia

AGRADECEMOS A MÁXIMA DIFUSIÓN

CURSO PRÁCTICO DE METODOLOXÍA ARQUEOLÓXICA: REXISTRO E ANÁLISE DE XACEMENTOS E MATERIAIS

  Semella que co fín das eleccións ó Reitorado torna a normalidade á Vicerreitoría do Campus de Ourense. Con tal, énchenos de ledicia difundir o novo cartaz dos Cursos de Verán 2010 nos que procuramos inserir  un bocadiño de metodoloxía arqueolóxica. Mirámonos os días 21, 22, 23 e 24 no Edificio de Facultades [Edificio de Ferro]. 

...seguiremos informando. ;)

Catálogo do patrimonio cultural da Alta Limia.

  Resultado do convenio de colaboración 2006-2007 entre a Fundación Pedro Barrié de la Maza e o Grupo Marcelo Macías do Museo Arqueolóxico de Ourense implementábase o Proxecto de Catalogación do Patrimonio Cultural da Alta Limia ourensá. Como consecuencia directa de tal proceder chega ata nós na actualidade, aínda en fase experimental, unha nova ferramenta en rede que permite acceder a tódalas fichas dos bens patrimoniais catalogados nesta zona. Un proxecto que sumado ás posibilidades abertas anos atrás por ARQUEOGENITIO, como sistema de información da arqueoloxía urbana da cabeceira comarcal, a caracteriza como un dos espacios galegos con mellores  posibilidades para a investigación, xestión e posta en valor do seu patrimonio arqueolóxico.

A Bela Auria: unha paisaxe cultural de preguerra

  A Asociación de Licenciados e Estudiantes de Historia de Ourense -ALEHOU-, pulo dinamizador de tódalas actividades do LAUV, ven de presentar as primeiras Xornadas de Historia Contemporánea da Festa da Historia de Ourense baixo o título A historia dentro da historia. Unha actividade enmarcada dentro dun proxecto máis amplo como é A Bela Auria, unha festa de recreación histórica ambientada no Ourense da xeración Nós e agrupada en bloques temáticas diferentes:

- A propia Bela Auria que amosará actividades situadas cronolóxicamente a comezos do século pasado a modo de exposicións, actuacións musicais...

- Saberes Perdidos a modo de obradoiros que procuran amosar o coñecemento artesanal dunha sociedade menos industrializada como a do Ourense de preguerra. 

- A xornada de A Historia dentro da Historia que contará coas intervencións do arqueólogo municipal José María Eguileta e da nosa compañeira Ana Cebreiros, entre outros,  co Ourense do século pasado e o papel da muller no franquismo como eixos das súas palestras. 

 Dende aquí queremos animar a tódolos interesados a asistir vestidos de época e disfrutar dunha máis que interesante proposta cultural e de lecer. 

+ info: 

web: http://www.belaauria.com/

blog: http://belaauria.wordpress.com/

6º curso intensivo de técnicas de levantamento de arte rupestre.

 Procurando actuar de altifalante da actualidade formativa no Noroeste, dende o LAUV achamos interesante difundir o 6º Curso Intensivo de Técnicas de Levantamento de Arte Rupestre que se celebrará na Vila de Maçâo (Portugal) os días 28/29/30 de Maio. Agardamos sexa do voso interese. 

Voluntariado verán 2010

 Continuamos coa difusión de oferta de formación específica no contexto do voluntariado arqueolóxico para o verán 2010...

 Na nosa pescuda diaria de Blogs afíns achamos na Lista de Prehistoria unha nova oferta formativa en xacementos de cronoloxías diversas e en diferentes quendas de intervención: 

ESCAVACIÓN XACEMENTO VALDAVARA 3 (BECERREÁ, LUGO)

 

CRONOLOXÍA: Pleistoceno Medio final / Pleistoceno Superior inicial.

QUENDAS: 7 - 19 de Xuño e 21 de Xuño - 3 de Xullo (rotacións de 2 semanas)

CONTACTO: Manuel Vaquero manuel.vaquero@urv.cat / 636726632 

 

ESCAVACIÓN XACEMENTO LACUSTRE DA DRAGA (BANYOLES, GIRONA)

 

CRONOLOXÍA: 5440-5045 cal ANE (Neolítico antigo)

QUENDAS: 1 de XUÑO-30 de XULLO (rotacións de 30 días)

CONTACTO: Raquel Piqué (raquel.pique@uab.cat)

 ESCAVACIÓNS XACEMENTOS PALEOLÍTICOS (CATALUÑA)

(de esquerda a dereita)

Abric Pizarro (Vilamajor, La Noguera): 2 - 31 de Agosto.

Roca dels Bous (Sant Llorenç de Montgai, La Noguera): 15 -  31 de Agosto.

Cova Gran de Santa Linya (Les Avellanes, La Noguera): 1 de Xullo - 15 de Agosto.

+ INFO: www.uab.es/cepap

CONTACTO: cepap@uab.cat  

   

Xa esta dispoñible o buscador avanzado do Proxecto Toponimia de Galicia.

 Dende que a nosa compañeira Beatriz Comendador publicaba esta ligazón no blog "A Urdiñeira..." e asistimos á palestra de Xermán García Cancela e Vicente Feijoó -celebrada na nosa facultade o 28 de Outubro do pasado ano 2009- inserimos a páxina web do Proxecto Toponimia de Galicia nos marcadores favoritos do noso buscador.  Cada semana faciamos unha pequena visita ó lugar ansiosos de implementar o seu uso nos nosos traballos de investigación, conscientes da máis que xustificada potencialidade no noso campo. 

 Superado o período de acceso restrinxido, énchenos de ledicia difundir a súa apertura cara a totalidade dos usuarios da rede.  Albiscamos agora un tempo de ensaio-erro que de seguro xerminará no noso labor diario.

 

• Web do proxecto: http://toponimia.xunta.es/gl/inicio  

• Últimos artigos de prensa vencellados co proxecto: http://www.20minutos.es/noticia/703411/0/  ; http://www.abc.es/agencias/noticia.asp?noticia=378309

Tratamento informático da cultura material.

 Quentando motores para o I CURSO PRÁCTICO DE METODOLOXÍA ARQUEOLÓXICA: REXISTRO E ANÁLISE DE XACEMENTOS E MATERIAIS, achamos no Blog afín Arqueología y Software Libre un interesante tutorial sobre o tratamento de imaxes con Gimp. Un programa gratuíto que podedes descargar nesta ligazón. 

 A falta de mes e medio para o noso obradoiro enxergamos un programa formativo con moitas e interesantes ferramentas que melloren o noso labor diario.  ...como dín nos medios: "seguiremos informando".

Voluntariado verán 2010

 Remitimos un anuncio publicado na Lista Archport que procura voluntarios para escavacións arqueolóxicas que se realizarán en Lousada no mes de Xullo:

 O Gabinete de Arqueologia da Câmara Municipal de Lousada informa que estão abertas as inscrições para voluntários que queiram participar na 2ª campanha de escavações arqueológicas a decorrer na «casa romana» do Castro de São domingos (área em vias de classificação localizada na freguesia de Cristelos, concelho de Lousada), entre os dias 12 e 30 de Julho de 2010.

información e inscrición:  
Email 1: manuel.nunes@cm-lousada.pt
Email 2: arqueologia@cm-lousada.pt