Patrimonio cultural e cambio mundial: un novo desafío para Europa

 A Comisión Europea ven de publicar unha recomendación ós Estados membros sobre a Iniciativa de Programación Conxunta (JPI) "Patrimonio Cultural e cambio mundial". Un relatorio de boas prácticas que lamentablemente, ó igual que calquer iniciativa que non xurda de intereses netamente económicos, ficará como tal: unha recomendación.

PDF informativo

imaxe superior:   Estado do dolmen de Dombate (A Coruña) dúas décadas despois da súa escavación. Todo un exemplo de conservación do Patrimonio Cultural.

Xornadas Internacionais de Historia Monetaria de Galicia

     Procurando actuar como plataforma de difusión, dende o LAUV queremos poñer en coñecemento de tódolos usuarios da rede as próximas xornadas de Historia Monetaria de Galicia que se realizaran na USC no vindeiro 3, 4 e 5 de Maio. 

Campos de traballo arqueolóxico 2010.

  Ollando a nova convocatoria da Consellería de Traballo e Benestar (Dirección Xeral de Xuventude e Voluntariado) de Campos de Traballo para este verán 2010, achamos con "espasmo" como a "política de austeridade" recorta a oferta deste tipo de iniciativas vencelladas  coa xestión arqueolóxica a escandalosa cifra de................ 1. @s nos@s colegas de Rois (A Coruña) son @s únic@s que manteñen a súa oferta para este ano, descoñecemos os medios de tal fazaña. Con todo dende o LAUV, no tempo que implementamos un proxecto propio que sirva como medio de formación práctica, queremos animar a tódol@s interesad@s a inscribirse neste tipo de actividades, enxergando un bo verán de traballo, aprendizaxe e vivencias persoais únicas...

PDF informativo

Amplíase o prazo de preinscrición para as prácticas do 2º cuadrimestre 09/10 ata o vindeiro Mércores 28 de Abril

Aberto o prazo de inscrición para as prácticas do 2º cuadrimestre do ano académico 2009/2010

Un ano máis o LAUV presenta as súas -xa famosas nas redes sociais- prácticas de campo. Esta vez achegarémonos ata o Parque Arqueológico do Vale Côa e á paisaxe arqueolóxica do NO da Meseta. Tódolos interesados teñen ata o vindeiro Luns 26 de Abril para encher o formulario telemático de inscrición. 

Obradoiros familiares no Museo Arqueolóxico de Ourense

   Ollando a páxina web do Museo Arqueolóxico Provincial de Ourense achamos unha nova actividade promovida pola nosa compañeira Begoña Garrido. Unha actividade que, mantendo a liña de renovación do museo como un elemento vivo, didáctico e activo, lonxe do concepto privativo e elitista de tempos pasados -e non tan pasados-; procura achegar as familias un xeito ameno de descubrir o noso pasado. Dende o LAUV enxergamos un máis que exitoso discorrer destas xornadas...